Friday, October 20, 2006

Is duniya main do type ke log hain

Is duniya main do type ke log hain –
Ek jinke paas internet hai
Aur doosre jinke paas nahin hai


Kisi ka kaam bhari dhoop main nikalkar dar dar thokre khane se shuru hota hai to kisi ka internet par ek site se dusri site par bhatakne se hota hai… dono bhale hi alag alag kaam karte hon physically, chitt ka state to ek jaisa hi hota hai!

Dono ke paas hi kaam nahi hota hai.. lekin ek paas internet to dusre ke paas introspection hota hai!

Kisi ke liye search matlab google hota hai to kisi ke liye search matlab akhbaar ka classified hota hai!

Koi roz apne doston ko scrap karta hai to koi apne ghar ke samaan se scrap alag karta hai!! Koi har waqt scrap ke liye aaturta se intezaar karte hain to koi bhagwaan se yahi prathna karte hain ki koi scrap naa ho!

Kisi ke liye school ke dost meelon door hain to kisi ke liye bas ek click hi kaafi hai… fir bhi dono ke liye faasle to utne hi hain!

Koi budha apni pension ke liye lambi kataar main khada rehta hai to koi jawaan online banking se hi mahine bhar ke Kharche kar leta hai.

Koi baniya roz subah 7 baje khol leta hai apni dukaan to kisi ki dukaan kabhi band hi nahin hoti…

Kisike liye internet zindagi hai to kisike liye apno ka saath jaroori hai..

Lagta hai kabhi ki internet humein paas le aaya hai
Yaa fir utna hi akela bhi kar diya hai!

Lagta hai jitna internet ne humein express karne ke liye space di hai
Utne expressions bhi de diye baatne ko.

Jitna internet ne fast kiya hai communication
Utna door bhi humko kiya hai
©Sweta Gupta

3 comments:

Makarand Kokane said...

good one :-))

Internet is just a tool... it all depends on how it is used / misused... just like any other tool...

Sweta Samota said...

yes, you are right! But you get a choice.. and the more choices you get, tendency is u become more choosy! And the probability of a wrong decision increases!

ankurindia said...

bhai , iska fayda bhi bahut hai aur nuksaan bhi bahut . but mein suggest karoonga peoples ko (who are internet addict) ke daily 10 -15 km walk jaroor kar liya karein nahin toh eyes kii prob ho sakti hai .. aur daily friends /family ke saath bhi kuch time bitayein karein not just internet ... internet ko use karo but aapni sehat aur social life ko dhyaan mein rakhte huay .